Discipline Committee

COMMITTEE OFFICERS (2018-19)

     THOMAS AHLFORS                                                                            Chair
  • Stephanie Boydell
  • Erin George
  • Shayne Kert
  • Meghan O’Brien
  • Philippe Plourde
  • Sara Siebert
  • David Stout

Mandate

As a self-governing profession pursuant to the Legal Profession Act, the legal profession carries out its statutory mandate to protect the public of Nunavut by regulating its lawyer-members through the Law Society. The vehicle by which the Law Society manages the conduct of lawyers is through the Discipline Committee. The Discipline Committee is a standing committee of the Law Society and is the only one that requires that its members have a minimum length of experience as lawyers in order to be appointed to serve. Their experience permits the Committee to receive well-reasoned advice and knowledgeable opinions about matters of considerable importance to the member and the public.


National Discipline Standards

History and Context

In April 2014, the Council of the Federation of Law Societies of  Canada adopted new National Discipline Standards  These standards have been referred to the law societies for adoption and implementation effective January 1, 2015 including the updated 2018 version.

A core function of Canada’s law societies is to hear and investigate complaints about member conduct and if necessary, to impose disciplinary sanctions.

The Federation of Law Societies of Canada worked with Canada’s law societies to develop high national standards for how they handle complaints to ensure that members of the public are treated promptly, fairly and openly wherever in Canada they have used the services of members of the legal profession.

These national standards establish appropriate timelines for investigations, citations and hearings; to provide for greater transparency, public participation and accessibility to ­information in the discipline process.


Jan 2014 Notice to the profession –  Update on current discipline procedures and planned policy changes.

 Download the Complete Notice


This website requires that the Pigiarniq True Type Font file be installed on your system to be properly viewable. Click here for instructions on downloading and installing the Pigiarniq font.

ᐃᓂᖅᑎᕆᓂᕐᒧᑦ ᑲᑎᒪᔩᑦ ᐱᓕᕆᐊᒃᓴᓖᑦ ᒪᓕᒐᓕᕆᓂᕐᒧᑦ ᑲᑐᔾᔨᖃᑎᒌᖑᔪᓂᒃ ᓄᓇᕗᑦ ᐃᓗᐊᓂ

ᓇᖕᒥᓂᖅ ᐱᔪᓐᓇᐅᑎᖃᖅᑐᑦ ᐱᓕᕆᔨᑦ ᒪᓕᒡᓗᒍ ᒪᓕᒐᓕᕆᔨᑦ ᐱᖁᔭᖓᓂᒃ, ᒪᓕᒐᓕᕆᔨᐅᓂᖅ ᑲᒪᒋᔭᖃᖅᐸᒃᐳᑦ ᒪᓕᒐᓕᐅᕈᑎᓄᑦ ᐱᓕᕆᐊᒃᓴᓂᒃ ᑕᐃᒪᒃ ᓴᐳᔾᔨᓂᐊᕐᓗᑎᒃ ᑭᑐᑐᐃᓐᓇᕐᓂᒃ ᓄᓇᕗᑦ ᐃᓗᐊᓂ ᑕᐃᒪᒃ ᐊᐅᓚᑦᑎᓗᑎᒃ ᒪᓕᒋᐊᖃᖅᑎᑕᐅᑉᓗᑎᒃ ᒪᓕᒐᕋᓛᓂᒃ ᒪᓕᒐᓕᕆᔨ-ᐃᓚᒋᔭᐅᔪᓄᑦ ᑕᐃᑰᓇ ᒪᓕᒐᓕᕆᓂᕐᒧᑦ ᑲᑐᔾᔪᖃᑎᒌᒃᑎᒍᑦ. ᐊᑐᕈᑎᒋᔭᖏᑦᑕ ᒪᓕᒐᓕᕆᓂᕐᒧᑦ ᑲᑐᔾᔨᖃᑎᒌᑦ ᐊᐅᓚᑦᑎᕙᖕᓂᖏᑦ ᖃᓄᐃᓕᐅᕐᓂᕆᔭᖏᓐᓂᒃ ᒪᓕᒐᓕᕆᔨᐅᑉ ᑖᒃᑯᑎᒎᓈᖅᐸᒃᐳᑦ ᐃᓂᖅᑎᕆᓂᕐᒧᑦ ᑲᑎᒪᔨᖏᑦᑎᒍᑦ. ᐃᓂᖅᑎᕆᓂᕐᒧᑦ ᑲᑎᒪᔩᑦ ᑲᑎᒪᔨᕋᓛᖑᕗᑦ ᒪᓕᒐᓕᕆᓂᕐᒧᑦ ᑲᑎᒪᔨᖏᓐᓄᑦ ᐊᒻᒪ ᑖᒃᑯᑑᑉᓗᑎᒃ ᐱᖃᕈᓐᓇᖅᑐᓂᒃ ᐃᓚᒋᔭᐅᔪᑦ ᐊᑯᓂᐅᙱᓐᓂᖅᐹᕐᒥᒃ ᐊᔪᙱᓐᓂᖃᕐᓗᑎᒃ ᒪᓕᒐᓕᕆᔨᐅᓂᕐᒥᒃ ᑕᐃᒫᒃ ᑎᒃᑯᐊᖅᑕᐅᔪᓐᓇᕐᓂᐊᕐᓗᑎᒃ ᐱᔨᑦᑎᕋᕈᓐᓇᖅᓯᓗᑎᒃ. ᐊᔪᙱᓐᓂᕆᔭᖏᑦ ᐱᔪᓐᓇᐅᑎᑖᖅᑎᑦᑎᔪᓐᓇᖅᐳᑦ ᑲᑎᒪᔨᑦ ᐅᖃᐅᔾᔪᖅᑕᐅᔪᓐᓇᑦᑎᐊᕐᓗᑎᒃ ᐊᒻᒪ ᖃᐅᔨᒪᓂᕆᔭᖏᓐᓂᒃ ᐃᓱᒪᒋᔭᓂ ᑐᓂᓯᓗᑎᒃ ᐱᒻᒪᕆᐅᓂᖃᖅᑐᓂᒃ ᐃᓚᒋᔭᐅᔪᓄᑦ ᐊᒻᒪ ᑭᑐᑐᐃᓐᓇᕐᓄᑦ ᑕᖅᑳᖓᑦ.

ᒪᓕᒐᓕᕆᔨ ᑲᒪᒋᔭᕆᐊᓕᖏᓐᓂᒃ ᐱᒻᒪᕆᐅᑎᑦᑎᕙᒃᐳᑦ.

ᒪᓕᒐᓕᕆᔨᑦ ᑲᑐᔾᔨᖃᑎᒌᖏᑦ ᒪᓕᖃᑦᑕᖅᐳᑦ ᑲᓇᑕᐅᑉ ᒪᓕᒐᓕᕆᔨᙳᖅᑎᑦᑎᓂᕐᒧᑦ ᑲᑐᔾᔨᖃᑎᒌᖏᓐᓂᒃ ᒪᓕᒋᐊᓕᖏᑦᑕ ᖃᓄᐃᓕᐅᕈᑎᖏᓐᓂᒃ ᐊᒻᒪ ᐃᓚᓕᐅᔾᔨᑉᓗᑎᒃ ᑕᐃᒃᑯᓂᖓ ᒪᓕᒐᖏᓐᓂᒃ ᓇᖕᒥᓂᖅ ᒪᓕᒐᖏᓐᓄᑦ. ᓲᕐᓗ, ᒪᓕᒐᓕᕆᔨ ᓈᓚᒋᐊᖃᖅᐳᖅ ᑖᒃᑯᓄᖓ ᐱᓕᕆᔨᓪᒪᕆᑦ ᑐᙵᔾᔪᑎᖏᓐᓂᒃ.

ᑲᓇᑕᐅᑉ ᒪᓕᒐᓕᕆᔨᙳᖅᑎᑦᑎᓂᕐᒧᑦ ᑲᑐᔾᔨᖃᑎᒌᖏᑦ ᒪᓕᒋᐊᓕᖏᑦ ᖃᓄᐃᓕᐅᕈᑎᖏᓐᓄᑦ

ᐃᓚᖓᑦ XV-ᒥ ᐱᔭᒃᓴᑦ ᐱᓕᕆᔨᒻᒪᕆᐅᔪᑦ ᑕᒪᐃᓐᓄᑦ

ᒪᓕᒐᖅ

ᒪᓕᒐᓕᕆᔨ ᐃᑲᔪᕆᐊᖃᖅᐳᖅ ᑕᐃᒫᒃ ᐱᓯᒪᑦᑎᓂᐊᕐᓗᓂ ᓱᓕᔪᒦᓐᓂᕐᒥᒃ ᐱᓕᕆᔭᒥᓂᒃ ᐊᒻᒪ ᐃᓚᐅᖃᑕᐅᑦᑎᐊᖅᐸᒡᓗᓂ ᖃᓄᐃᓕᐅᖅᑐᖃᖅᑎᓪᓗᒍ.

ᐅᖃᐅᑎᐅᔪᑦ

ᒪᓕᒃᑕᐅᔪᒃᓴᑦ ᑐᙵᕝᕕᖏᑦ

  1. ᖃᐅᔨᓴᖅᑕᐅᙱᒃᑯᓂ ᒪᓕᒐᓕᕆᔨ ᑕᐃᒫᒃ ᒪᓕᙱᒃᑯᓂ ᐱᓕᕆᑦᑎᐊᕐᓂᕐᒧᑦ ᒪᓕᖁᔭᐅᔪᓂᒃ ᑕᐃᒪᑲᐅᑎᒋ, ᐊᓯᐅᔨᓗᓂ ᐅᕝᕙᓘᓐᓃᑦ ᓱᕋᐃᓗᓂ ᐱᔨᑦᑎᕋᖅᑕᓂ ᐅᕝᕙᓘᓐᓃᑦ ᐊᓯᖏᓐᓂᒃ ᓴᖅᑮᔾᔪᑕᐅᓗᓂ. ᓇᓗᓇᐃᒃᑯᑕᑦ ᒥᑭᔪᓂᒃ ᓯᖁᒥᑦᑎᓗᓂ ᐃᒪᐃᑐᐃᓐᓇᕆᐊᖃᖅᐳᑦ, ᖃᐅᔨᓴᖅᑕᐅᓕᕈᑎᒃ, ᓴᖅᑭᔾᔪᑕᐅᓗᓂ ᐱᒻᒪᕆᐅᓂᖅᓴᓂᒃ ᑲᒪᒋᔭᕆᐊᓕᖕᓂᒃ ᐅᕝᕙᓘᓐᓃᑦ ᓴᖅᑮᔾᔪᑕᐅᑐᐃᓐᓇᕆᐊᖃᕐᓗᓂ ᖃᓄᐃᓕᐅᕈᑎᓂᒃ ᐱᒻᒪᕆᐅᔪᓂᒃ ᓯᖁᒥᑦᑎᓂᕐᒥᒃ ᓯᕗᓂᖓᓂᒃ. ᑕᐃᒪ, ᑕᐃᒪᐃᒃᑲᒥᒃ, ᓈᒻᒪᒃᑲᓗᐊᖅᐳᖅ ᒪᓕᒐᓕᕆᔨ ᑭᐅᔭᕆᐊᖃᕐᓗᓂ [ᒪᓕᒐᓕᕆᓂᕐᒧᑦ ᑲᑐᔾᔨᖃᑎᒌᖏᓐᓄᑦ] ᓱᓇᒥᐊᓂᒃ ᖃᓄᐃᓕᔪᖃᕈᓂ ᑐᕌᖓᔪᓄᑦ ᓯᖁᒥᑦᑎᓂᕐᒥᒃ ᐊᑐᖁᔭᐅᔪᓂᒃ ᑭᓯᐊᓂ ᑐᑭᓯᒋᐊᕈᑎ ᑲᙳᓇᖅᑑᑎᒋᔭᐅᓐᓂᕈᓂ ᐅᕝᕙᓘᓐᓃᑦ ᒪᓕᒐᕐᒥ ᓯᖁᒥᑦᑎᓂᕋᖅᑕᐅᓇᔭᕐᒪᑦ ᑕᐃᒪᐃᙱᒃᑯᓂ ᒪᓕᒐᓕᕆᔨ. ᑕᐃᒪ, ᑭᓯᐊᓂ, ᓱᕋᐃᒍᑕᐅᓗᐊᖅᑐᖃᑐᐃᓐᓇᕆᐊᖃᕐᒪᑦ ᓯᖁᒥᑦᑎᔪᖃᕐᓂᖓᓄᑦ, ᐆᒃᑑᑎᒋᓗᒍ, ᑮᓇᐅᔭᒃᓴᕆᔭᐅᔪᑦ ᓈᒻᒪᖏᒃᑯᑎᒃ, ᒪᓕᒐᓕᕆᔨ ᐊᑐᕆᐊᖃᖅᑑᕗᖅ ᐱᓕᕆᐊᕐᒥᓂᒃ ᐅᖃᐅᓯᕆᒋᐊᖃᕐᓗᓂᐅᒃ ᐃᓱᒫᓘᑕᐅᔪᖅ [ᒪᓕᒐᓕᕆᓂᕐᒧᑦ ᑲᑐᔾᔨᖃᑎᒌᖏᓐᓄᑦ ᓄᓇᕗᒥ] ᑭᓯᐊᓂ ᑐᑭᓯᒋᐊᕈᑎ ᑐᓴᖅᑕᐅᔭᕆᐊᖃᙱᒃᑯᓂ ᐅᕝᕙᓘᓐᓃᑦ ᒪᓕᒐᕐᒥᒃ ᓯᖁᒥᑦᑎᓂᐊᕈᓂ ᑕᐃᒪᐃᒋᐊᒃᓴᖅ.
  2. ᒪᓕᒐᓕᕆᔨ ᐊᑐᕆᐊᖃᖅᑑᒋᕗᖅ ᐱᓕᕆᐊᒥᓄᑦ ᐅᖃᐅᓯᕆᔭᕆᐊᖃᖅᐸᖏᑦ [ᒪᓕᒐᓕᕆᔨᑦ ᑲᑐᔾᔨᖃᑎᒌᖏᓐᓄᑦ ᓄᓇᕗᒥ] (ᑭᓯᐊᓂ ᑕᐃᒪᐃᒋᐊᒃᓴᖅ ᓯᖁᒥᑦᑎᓂᐊᕐᓂᕈᓂ ᒪᓕᒐᕐᒥᒃ ᐅᕝᕙᓘᓐᓃᑦ ᓯᖁᒥᑦᑎᓂᐊᕐᓂᕈᓂ ᑐᓴᖅᑕᐅᔭᕆᐊᖓᖏᑎᓪᓗᒍ):
    • ᑎᒡᓕᖕᓂᖅ ᐅᕝᕙᓘᓐᓃᑦ ᐊᑐᑦᑎᐊᖅᑐᖃᙱᒃᑯᓂ ᕿᒻᒪᑯᑦ ᑮᓇᐅᔭᓂᒃ ᐅᕝᕙᓘᓐᓃᑦ ᐱᖁᑎ ᑎᒍᒻᒥᔭᐅᓚᐅᐱᓪᓚᒃᑐᑦ;
    • ᓴᒃᑯᐃᓂᖅ ᒪᓕᒐᓕᕆᖃᑦᑕᕐᓂᕐᒧᑦ;
    • ᐃᓚᐅᖃᑕᐅᓂᖅ ᐱᕋᔭᒃᑐᖃᖅᑎᓪᓗᒍ ᑐᕌᖓᔪᓄᑦ ᒪᓕᒐᓕᕆᔨᐅᑉ ᐱᓕᕆᐊᖓᓄᑦ;
    • ᒪᓕᒐᓕᕆᔨᐅᑉ ᐃᓱᒪᖓ ᓈᒻᒪᓗᐊᖏᒃᑯᓂ ᐱᒻᒪᕆᐅᔫᓗᓂ ᐱᔨᑦᑎᖅᑕᐅᔪᖅ ᒪᓕᒐᓕᕆᔨᒧᑦ ᓈᒻᒪᙱᑦᑐᒃᑰᑐᐃᓐᓇᕆᐊᖃᕐᓗᓂ; ᐊᒻᒪ
    • ᓇᓕᒥᐊᓂᒃ ᑕᐃᒫᒃ ᒪᓕᒐᓕᕆᔨᐅᑉ ᐱᔨᑦᑎᖅᑕᖓᓈᒻᒪᖏᑦᑐᒃᑰᑐᐃᓐᓇᕆᐊᖃᕐᓗᓂ.

ᐊᑕᖏᕐᓗᒋᑦ ᑲᒪᒋᔭᐅᔾᔪᑎᓂᒃ, ᐅᖃᐅᓯᕆᔭᐅᓂᐊᖅᑐᖅ ᓱᓕᓪᓚᑦᑖᕆᐊᖃᖅᐳᖅ ᐊᒻᒪ ᐃᓱᒪᐃᕐᕆᔾᔪᑕᐅᒋᐊᖃᙱᓪᓗᓂ ᐊᓯᐊᒍᑦ. ᐊᒻᒪᒃᑲᓐᓂᖅ, ᒪᓕᒡᓗᒋᑦ ᓇᖕᒥᓂᖅ ᒪᓕᒐᑦ, ᒪᓕᒐᓕᕆᔨ ᐱᔨᑦᑎᕐᓂᐊᙱᓚᖅ ᑎᓕᔭᐅᑎᓪᓗᒍ ᐱᔨᑦᑎᖅᑕᐅᓯᒪᔪᕐᒥᒃ ᐊᓯᐊᓄᑦ ᒪᓕᒐᓕᕆᔨᒧᑦ ᑕᐃᒫᒃ ᓴᑐᐃᓇᓱᐊᕐᓗᓂ ᑮᓇᐅᔭᓂᒃ ᐅᕝᕙᓘᓐᓃᑦ ᐱᖁᑎᓂᒃ ᑕᐃᒫᒃ ᑲᒪᒋᔭᐅᑦᑎᐊᙱᓐᓂᕋᖅᑕᐅᔪᒥᒃ ᐊᓯᐊᓄᑦ ᒪᓕᒐᓕᕆᔨᒧᑦ ᑭᓯᐊᓂ ᐱᔨᑦᑎᖅᑕᐅᔪᖅ ᐊᖏᕐᓯᒪᓐᓂᕈᓂ ᓴᖅᑮᒋᐊᒃᓴᖅ ᑖᒃᑯᓄᖓ [ᒪᓕᒐᓕᕆᓂᕐᒧᑦ ᑲᑐᔾᔨᖃᑎᒌᖏᓐᓄᑦ ᓄᓇᕗᒥ] ᐊᒻᒪ ᒪᓕᒐᓕᕆᔨ ᓴᖅᑮᔪᓐᓇᖅᓯᓗᓂ ᑕᐃᒪᐃᑦᑐᓂᒃ.

ᒪᓕᒐᓕᕆᓂᕐᒧᑦ ᑲᑐᔾᔨᖃᑎᒌᑎᑦ ᖃᐃᖁᔨᓯᒪᖃᑦᑕᕆᕗᑦ ᑭᒃᑯᑐᐃᓐᓇᕐᓂᒃ ᖃᐅᔨᒋᐊᕈᒪᒍᑎᒃ ᓇᓕᒥᐊᖏᓐᓂᒃ ᐃᓱᒫᓘᑕᐅᔪᓂᒃ ᐱᔨᑦᑎᖅᑕᐅᔫᑉ ᐅᕝᕙᓘᓐᓃᑦ ᐊᓯᖓᓂᒃ ᐃᓄᒃ ᐃᓱᒫᓗᑕᖃᕐᓂᕈᓂ ᖃᓄᐃᓕᐅᕐᓂᕆᔭᖏᑦᑕ ᒪᓕᒐᓕᕆᔨᐅᑉ. ᐊᑐᕐᓗᑎᒃ ᐃᒪᒃ ᐱᔨᑦᑎᖅᑕᐅᔪᖅ ᐅᕝᕙᓘᓐᓃᑦ ᐃᓚᒋᔭᐅᔪᖅ ᑕᖅᑳᙵᑦ ᐃᓄᑐᐃᓐᓇᕐᓂᒃ ᖃᐅᔨᒋᐊᕈᓐᓇᖅᐳᖅ ᒪᓕᒐᓕᕆᓂᕐᒧᑦ ᑲᑐᔾᔨᖃᑎᒌᖏᓐᓄᑦ ᐅᑯᐊ ᐊᑖᓃᑦᑐᑦ ᒪᓕᒡᓗᒋ.

ᒪᓕᒐᓕᕆᔨ ᖃᓄᐃᓕᐅᕐᓂᖏᑦ ᐊᒻᒪ ᐅᖃᐱᓘᑎᒋᔭᐅᔪᑦ

ᒪᓕᒐᓕᕆᓂᕐᒧᑦ ᑲᑐᔾᔨᖃᑎᒌᖏᑦ ᓄᓇᕗᒥ ᐱᔭᒃᓴᖃᖅᐳᑦ ᓴᐳᔾᔨᓂᐊᕐᓗᑎᒃ ᑭᒃᑯᑐᐃᓐᓇᑦ ᐱᔪᒪᔭᖏᓐᓂᒃ, ᐊᒻᒪ ᒪᓕᒐᓕᕆᔨ ᐱᑕᖃᕆᐊᖃᕐᓗᓂ ᐊᕕᒃᑐᖅᓯᒪᓂᕆᔭᑉᑕ ᐃᓗᐊᓂ ᒪᓕᑦᑎᐊᕐᓗᓂ ᒪᓕᒐᓂᒃ ᐊᔪᙱᑦᑎᐊᕐᓗᓂᓗ.

ᐅᖃᐱᓘᑎᑦ

ᐃᓄᒃ ᐊᐱᖅᑯᑎᓕᒃ ᐅᕝᕙᓘᓐᓃᑦ ᐃᓱᒫᓘᑎᓕᒃ ᑐᕌᖓᔪᓂᒃ ᒪᓕᒐᓕᕆᔨᐅᑉ ᖃᓄᐃᓕᐅᓂᕆᔭᖓᓂᒃ ᐅᖃᐱᓘᑎᒃᓴᓕᐅᕈᓐᓇᖅᐳᖅ ᒪᓕᒐᓕᕆᓂᕐᒧᑦ ᑲᑐᔾᔨᖃᑎᒌᖏᓐᓄᑦ ᐅᕙᓂ: A

ᑲᙳᓇᖅᑑᑎᑕᐅᔪᖅ
ᒪᓕᒐᓕᕆᓂᕐᒧᑦ ᑲᑐᔾᔨᖃᑎᒌᖏᑦ ᓄᓇᕗᒥ
ᑎᑎᖅᑲᖃᕐᕕᒃ 149
ᐃᖃᓗᐃᑦ, ᓄᓇᕗᑦ X0A 0H0
ᐅᖃᓘᑦ: 867- 979-2330
ᓱᒃᑲᔪᖅ: 867- 979-2333

ᐊᐱᖅᓱᖅᑕᐅᓂᐊᖅᐳᑎᑦ ᑐᑭᓯᒋᐊᕈᑎᒃᓴᓂᒃ ᑐᕌᖓᔪᓄᑦ ᐅᖃᐱᓘᑎᒋᔭᕐᓄᑦ, ᐃᓚᓕᐅᑎᖃᑕᐅᓗᒋᑦ:

  • ᒪᓕᒐᓕᕆᔨᐅᑉ ᐊᑎᖓᑦ,
  • ᐃᒡᕕᑦ ᐊᑏᑦ, ᑐᕌᕐᕖᑦ ᐊᒻᒪ ᐅᖃᓘᑎᕕᑦ ᓈᓴᐅᑎᖓᑦ;
  • ᐊᑎᖏᑦ ᐊᒻᒪ ᑐᑭᓯᒋᐊᕐᕕᖏᑦ ᓇᓕᒥᐊᖏᓐᓂᒃ ᐃᓚᐅᖃᑕᐅᔪᑦ ᐃᓄᐃᑦ;
  • ᐃᓗᓕᖏᑦ ᐃᓱᒫᓘᑎᒋᔭᕕᑦ ᑐᕌᖓᔪᑦ ᒪᓕᒐᓕᕆᔨᒧᑦ; ᐊᒻᒪ
  • ᑕᕐᕋᖏᓐᓂᒃ ᐊᑑᑎᖃᕋᔭᖅᑐᑦ ᑎᑎᕋᖅᑕᐅᔪᕕᓃᑦ ᐅᕝᕙᓘᓐᓃᑦ ᑎᑎᖅᑲᒥᐊᑦ, ᐱᑕᖃᕐᓂᕈᓂ ᑭᓯᐊᓂ.

ᖃᓄᐃᑦᑑ? ᓈᒻᒪᙱᓗᑕᐅᔪᖅ ᖃᐅᔨᓴᖅᑕᐅᓂᐊᖅᑕᖓᑦ ᒪᓕᒐᓕᕆᔨᑦ ᑲᑐᔾᔨᖃᑎᒌᖏᑦ?

ᑕᒡᕙ ᐆᒃᑑᑎᐅᕗᑦ ᐃᓱᒫᓘᑕᐅᙳᐊᕋᔭᖅᑐᑦ ᒪᓕᒐᓕᕆᓂᕐᒧᑦ ᑲᑐᔾᔨᖃᑎᒌᖏᑦ ᐱᒪᓇᔭᖅᑕᖓᑦ ᐃᓕᖕᓂ ᑭᒡᒐᖅᑐᕐᓗᑎᒃ.

  • ᒪᓕᒐᓕᕆᔨ ᐅᖃᐅᑎᙱᑯᓂᑎᑦ ᖃᓄᐃᓕᐅᓕᕋᓗᐊᕐᒪᖔᑦ ᐃᒡᕕᑦ ᑲᒪᒋᔭᐅᔾᔪᑎᒋᔭᕕᑦ.
  • ᒪᓕᒐᓕᕆᔨ ᑭᐅᙱᒃᑯᓂ ᐅᖃᓘᑎᓂ ᐅᕝᕙᓘᓐᓃᑦ ᑎᑎᖅᑲᖏᓐᓂᒃ ᐃᑲᕐᕋᖃᑦᑎᐊᕋᓗᐊᕐᓗᓂ.
  • ᒪᓕᒐᓕᕆᔨ ᐅᖃᕐᓂᕈᓂ ᐊᓯᖏᓐᓄᑦ ᐃᓄᖕᓄᑦ ᐱᔨᑦᑎᕐᑕᓂ ᑲᙳᓇᖅᑑᑎᑕᐅᔪᓂᒃ ᑕᐃᒫᒃ ᐊᖏᖅᑕᐅᓇᓂ ᐱᔨᑦᑎᖅᑕᓂ.
  • ᒪᓕᒐᓕᕆᔨ ᖃᓄᐃᓕᐅᕈᑎᖃᕐᓂᕈᓂ ᒪᓕᖕᓇᓂ ᑎᓕᓯᔾᔪᑎᒋᔭᕐᓂᒃ.
  • ᒪᓕᒐᓕᕆᔨ ᐊᑐᓕᖅᑎᑦᑎᖏᒃᑯᓂ ᑎᓕᓯᔾᔪᑎᒋᔭᕐᓂᒃ, ᐅᕝᕙᓘᓐᓃᑦ ᑐᖓᐅᔾᔨᔪᓐᓇᐃᓕᓗᓂ ᐱᓕᕆᐊᕆᔭᖏᓐᓂᒃ.
  • ᒪᓕᒐᓕᕆᔨ ᐃᓄᑦᑕᐅᓴᙱᒃᑯᓂ.
  • ᒪᓕᒐᓕᕆᔨ ᑐᑭᓯᒋᐊᖅᓯᒪᔫᔭᙱᒃᑯᓂ ᐅᕝᕙᓘᓐᓃᑦ ᑲᒪᒋᔭᖃᕈᓐᓇᕐᓇᓂ ᑲᒪᒋᔭᐅᔾᔪᑎᒋᔭᕐᓄᑦ, ᐃᓕᑦᑎᓯᒪᑦᑎᐊᖏᓗᐊᒧᓪᓘᕝᕙᑭᐊᖅ ᐅᕝᕙᓘᓐᓃᑦ ᐊᓯᖓᓂᒃ ᐊᔪᕈᑎᖃᕐᓗᓂ.
  • ᒪᓕᒐᓕᕆᔨ ᐊᑭᓴᖅᑐᐃᖔᓕᕐᓗᓂ ᐊᓯᐊᓂᒃ ᐱᔨᑦᑎᓚᐅᖅᑕᓂ ᐊᑭᒋᖔᓕᕐᓗᓂᐅᒃ.
  • ᒪᓕᒐᓕᕆᔨ ᑎᒡᓕᒃᑯᓂ ᑮᓇᐅᔭᓂᒃ ᐅᕝᕙᓘᓐᓃᑦ ᐱᖁᑎᓂᒃ ᑕᐃᑲᙵᑦ ᐱᔨᑦᑎᖅᑕᓂ.
  • ᒪᓕᒐᓕᕆᔨᐅᑉ ᓯᒃᑭᓕᐊᖓᑦ ᐅᑎᕐᓗᓂ ᑮᓇᐅᔭᖃᙱᓐᓂᑯᒧᑦ ᑮᓇᐅᔭᒃᑯᕕᖓᑦ.
  • ᒪᓕᒐᓕᕆᔨ ᓴᖅᑮᔪᓐᓇᙱᒃᑯᓂ ᑮᓇᐅᔭᓂᒃ ᐸᐸᑕᓂ ᐱᔨᑦᑎᖅᑕᓂ.
  • ᒪᓕᒐᓕᕆᔨ ᐸᓯᔭᒃᓴᐅᒍᓂ, ᐅᕝᕙᓘᓐᓃᑦ ᐱᕋᔭᖕᓂᕋᖅᑕᐅᓯᒪᒍᓂ.
  • ᐃᓄᒃ ᓇᖕᒥᓂᖅ ᒪᓕᒐᓕᕆᔨᐅᓂᕋᐃᓗᓂ, ᐅᕝᕙᓘᓐᓃᑦ ᐱᔨᑦᑎᕋᕈᒪᓂᕋᖅᑐᖃᕐᓗᓂ ᒪᓕᒐᓕᕆᔨᒥᒃ ᑭᓯᐊᓂ ᐊᖏᖅᑕᐅᓯᒪᓇᓂ ᑕᐃᒫᒃ ᒪᓕᒐᓕᕆᖃᑦᑕᕐᓂᕐᒧᑦ ᓄᓇᕗᑦ ᐃᓗᐊᓂ.

ᑕᐃᒪ ᖃᓄᐃᓕᓂᐊᓕᖅᐸᓕ?

ᑕᒪᕐᒥᒃ ᐅᖃᐱᓘᑕᐅᔪᑦ ᕿᒥᕐᕈᔭᐅᕙᒃᐳᑦ ᒪᓕᒡᓗᒍ ᒪᓕᒐᓕᕆᔨᐅᓂᕐᒧᑦ ᐱᖁᔭᖓᓂᒃ ᐊᒻᒪ ᒪᓕᒐᖏᑦ ᒪᓕᒐᓕᕆᔨᑦ ᑲᑐᔾᔨᖃᑎᒌᖏᓐᓄᑦ ᓄᓇᕗᒥ. ᕿᒥᕐᕈᓂᖅ ᐅᑯᓂᖓ ᒪᓕᖃᑦᑕᖅᐳᑦ ᐊᑖᓃᑦᑐᓂᒃ, ᐊᒻᒪ ᒪᓕᒐᓕᕆᓂᕐᒧᑦ ᑲᑐᔾᔨᖃᑎᒌᖏᑦ ᐅᖃᕐᓂᐊᕐᐳᑦ ᐃᓕᖕᓄᑦ ᖃᓄᐃᓕᐅᕈᑕᐅᓕᖅᑎᓪᓗᒍ ᕿᒥᕐᕈᓂᖅ ᖃᓄᐃᓕᐅᕆᐊᖃᕐᒪᖔᖅᐱᑦ ᐊᒻᒪ ᖃᓄᖅ ᐊᑯᓂᐅᑎᒋᓂᐊᕐᒪᖔᑦ. ᐅᖃᙳᐊᕐᓗᓂ, ᐱᒻᒪᕆᐅᓂᖅᓴᐅᒍᑎᒃ ᐅᕝᕙᓘᓐᓃᑦ ᐊᔪᕐᓇᕐᓂᖅᓴᐅᒍᑎᒃ ᐃᓱᒫᓘᑕᐅᔪᑦ, ᐊᑯᓂᐅᓂᖅᓴᐅᓇᔭᕐᒪᑕ ᐋᖅᑮᒍᑕᐅᓂᖏᑦ.

  • ᖃᐃᑦᑎᔭᐅᓂᖅ – ᒪᓕᒐᓕᕆᓂᕐᒧᑦ ᑲᑐᔾᔨᖃᑎᒌᖏᓐᓄᑦ ᐃᖅᑲᓇᐃᔭᖅᑎᐅᔪᖅ ᑎᒍᓯᔪᖅ ᐅᖃᐱᓘᑎᒋᔭᕐᓂᒃ ᐃᓱᒪᒃᓴᖅᓯᐅᕆᐊᖃᖅᐳᖅ ᐊᑑᑎᖃᕋᔭᕐᒪᖔᑦ ᒪᓕᒐᓕᕆᔨᐅᓂᕐᒧᑦ ᐱᖁᔭᖓᑦ ᕿᒥᕐᕈᓂᐊᕐᓗᓂᒋᑦ ᐃᒡᕕᑦ ᐃᓱᒫᓘᑎᒋᔭᕐᓂᒃ. ᑕᐃᒪᐃᙱᒃᑯᓂ, ᐃᖅᑲᓇᐃᔭᖅᑎᐅᔪᖅ ᓇᓗᓇᐃᖅᓯᓂᐊᖅᐳᖅ ᖃᓄᐃᒻᒪᖔᑦ ᒪᓕᒐᓕᕆᓂᕐᒧᑦ ᑲᑐᔾᔨᖃᑎᒌᖏᑦ ᐃᑲᔪᕈᓐᓇᖏᒻᒪᖔᑕ ᐊᔪᕈᑎᒋᔭᕐᓂᒃ ᐊᒻᒪ ᓇᒧᑦ ᖃᐅᔨᒋᐊᕐᕕᒃᓴᓂᒃ ᐃᑲᔪᖅᑕᐅᓂᐊᕐᓗᑎᑦ ᓇᓗᓇᐃᖅᓯᓗᓂ.

ᒪᓕᒐᓕᕆᔨᐅᓂᕐᒧᑦ ᐱᖁᔭᖓᑦ ᐊᔪᕐᓇᖅᑎᑦᑎᒍᓂ ᕿᒥᕐᕈᔪᓐᓇᕐᓂᕐᒥᒃ ᐃᓱᒫᓘᑎᒋᔭᕐᓂᒃ, ᑐᓂᕐᕈᑕᐅᓂᐊᖅᐳᖅ ᐃᒃᓯᕙᐅᑕᐅᕆᔭᐅᔪᒧᑦ ᐃᓂᖅᑎᕆᓂᕐᒧᑦ ᑲᑎᒪᔨᖏᓐᓄᑦ.

  • ᐋᖅᑭᒍᑎᒃᓴᖅᑖᖅᓵᓕᓂᖅ – ᐃᓚᖏᑦ ᐊᔪᕐᓇᕈᑕᐅᔪᑦ ᐱᔾᔪᑎᖃᖅᐸᖕᒪᑕ ᑐᑭᓯᓂᕐᓗᑎᑐᖃᖅᑎᓪᓗᒍ ᐅᕝᕙᓘᓐᓃᑦ ᐊᓯᖏᑦᑎᒍ ᖃᓄᐃᓕᐅᕈᑎᖃᕐᓗᑎᒃ ᐊᒃᑐᐊᖃᔭᖅᑐᓂᒃ ᐱᓕᕆᑦᑎᐊᖏᓐᓂᕐᒥᒃ. ᑖᒃᑯᐊ ᓇᓗᓇᐃᖅᑕᐅᔪᓐᓇᖅᐸᒃᐳᑦ ᐊᒻᒪ ᐋᖅᑭᒃᑕᐅᑲᐅᑎᒋᓗᑎᒃ, ᐊᒻᒪ ᐃᒃᓯᕙᐅᑕᕆᔭᐅᔪᖅ ᐃᓂᖅᑎᕆᓂᕐᒧᑦ ᑲᑎᒪᔨᖏᓐᓄᑦ ᐃᒪᐃᓕᐅᑐᐃᓐᓇᕆᐊᖃᕆᕗᖅ:
    • ᐃᓱᓕᓪᓗᓂᐅᒃ ᐅᖃᐱᓘᑕᐅᔪᖅ ᖃᓄᐃᓕᐅᕈᑎᖃᙱᓪᓗᓂ; ᐅᕝᕙᓘᓐᓃᑦ
    • ᐃᒻᒪᖄ ᐅᖃᐅᔾᔨᓗᑎᒃ ᐊᒻᒪ ᖃᓄᐃᓕᐅᖁᔨᓗᑎᒃ ᒪᓕᒐᓕᕆᔨᒧᑦ ᖃᓄᖅ ᑕᐃᖕᓇ ᒪᓕᒐᓕᕆᔨ ᐱᓕᕆᑦᑎᐊᕈᓐᓇᕋᔭᕐᒪᖔᑦ ᓯᕗᓂᐊᓂ.
  • ᖃᐅᔨᒋᐊᕋᓱᐊᕐᓃᑦ – ᐱᓕᕆᔨᒻᒪᕆᖕᒥᒃ ᐱᓕᕆᑦᑎᐊᖏᓐᓂᖓᓄᑦ ᐊᐱᖅᑯᑕᐅᔪᖃᕈᓂ, ᐃᒃᓯᕙᐅᑕᖅ ᐃᓂᖅᑎᕆᓂᕐᒧᑦ ᑲᑎᒪᔨᖏᓐᓄᑦ ᖃᐅᔨᒋᐊᕋᓱᐊᖅᑎᑦᑎᔭᕆᐊᖃᖅᐳᖅ, ᐃᒪᒃ ᐃᓄᑐᐊᖅ ᖃᐅᔨᓇᓱᐊᖅᑐᖅᐅᕝᕙᓘᓐᓃᑦ, ᐱᒻᒪᕆᐊᓘᔪᓂᒡᓕ, ᐋᖅᑭᒃᓱᖅᑕᐅᓯᒪᔪᒥᒃ ᑲᑎᒪᔨᓂᒃ ᖃᐅᔨᓇᓱᐊᕐᓂᕐᒧᑦ.

ᐃᒡᕕᑦ, ᒪᓕᒐᓕᕆᔨ, ᐅᕝᕙᓘᓐᓃᑦ ᐃᓚᐅᖃᑕᐅᔪᖅ ᐃᓄᐃᑦ ᐊᐱᕆᔭᐅᓂᐊᖅᑐᓯ ᐃᓚᓕᐅᔾᔨᒃᑲᓐᓂᕆᐊᖃᕐᓗᓯ ᑐᑭᓯᒋᐊᕈᑎᓂᒃ. ᖃᐅᔨᒋᐊᕋᓱᐊᕐᓂᖅᑕᖃᖅᑎᓪᓗᒍ ᑲᑎᒪᔨᓂᒃ ᖃᐅᔨᓇᓱᐊᕐᓂᕐᒧᑦ ᑕᐃᒪ ᐋᖅᑭᐅᒪᑦᑎᐊᖅᑐᒦᓐᓂᐊᖅᐳ, ᓱᕐᓗ ᐃᖅᑲᖅᑐᐃᕝᕕᒃᑰᖅᑐᑎᒍᑦ. ᓇᓕᒥᐊᖓᓂᒃ ᐊᑐᖅᑎᓪᓗᒋᑦ ᖃᐅᔨᒋᐊᕋᓱᐊᕐᓂᕐᒥᒃ, ᒪᓕᒐᓕᕆᔨ ᖃᐅᔨᒋᐊᖃᒻᒪᕆᒃᐳᖅ ᐃᓗᓕᖏᓐᓂᒃ ᐅᖃᐱᓘᑕᐅᔪᓂᒃ ᐊᒻᒪ ᑭᐅᔾᔪᑎᒃᓴᖃᕈᓐᓇᑦᑎᐊᕐᓗᓂ.

  • ᓱᐊᒃᑕᐅᔾᔪᑎᑦᐃᓄᑐᐊᖅ ᖃᐅᔨᓇᓱᐊᖅᑐᖅ ᓇᓂᓯᒍᓂ ᒪᓕᒐᓕᕆᔨᒥᒃ ᐸᓯᔭᒃᓴᐅᑉᓗᓂ ᐱᓕᕆᑦᑎᐊᙱᓐᓂᕐᒥᓄᑦ, ᓱᐊᒃᑕᐅᔾᔪᑎᑦ ᐃᒪᐃᑐᐃᓐᓇᕆᐊᖃᖅᐳᑦ ᐅᖃᐅᔾᔭᐅᓗᓂ, ᑮᓇᐅᔭᐃᖅᑎᑕᐅᓗᓂ ᐊᒻᒪ ᐊᑭᓕᕆᐊᖃᖅᑎᑕᐅᓗᓂ ᖃᐅᔨᒋᐊᕋᓱᐊᕐᓂᕐᒧᑦ.

ᑲᑎᒪᔨᓄᑦ ᖃᐅᔨᓇᓱᐊᖅᑐᑦ ᓇᓂᓯᒍᑎᒃ ᒪᓕᒐᓕᕆᔨᒃᑦ ᐸᓯᔭᒃᓴᐅᑉᓗᓂ ᐱᓕᕆᑦᑎᐊᙱᓐᓂᕐᒥᓄᑦ, ᓱᐊᒃᑕᐅᔾᔪᑎᑦ ᐃᒪᐃᑐᐃᓐᓇᕆᐊᖃᖅᐅᑦ ᐅᖃᐅᔾᔭᐅᓗᓂ, ᑮᓇᐅᔭᐃᖅᑎᑕᐅᓗᓂ, ᐱᓕᕆᐊᒥᓄᑦ ᒪᓕᒋᐊᖃᖅᑎᑕᐅᓗᓂ ᐅᕝᕙᓘᓐᓃᑦ ᐱᕕᒃᓴᖃᙱᓐᓂᖅᓴᐅᓗᓂ, ᓄᖅᑲᖓᑎᑕᐅᓚᐅᑲᒡᓗᓂ ᐅᕝᕙᓘᓐᓃᑦ ᐊᖅᓵᖅᑕᐅᓗᓂ ᐱᓕᕆᔪᓐᓇᐅᑎᖓᓂᒃ.

  • ᐊᔪᐃᓐᓇᕆᐊᒃᑲᓐᓂᕐᓂᖅ ᐅᕝᕙᓘᓐᓃᑦ ᐃᖅᑲᖅᑐᐃᔾᔪᑎᑎᒍᑦ ᕿᒥᕐᕈᓂᖅ – ᒪᓕᒐᓕᕆᓂᕐᒧᑦ ᑲᑐᔾᔨᖃᑎᒌᖏᑦ ᓇᖕᒥᓂᖅ ᐃᓱᒪᓕᐅᕈᓐᓇᖅᐳᖅ ᑕᐃᒫᒃ ᐊᔪᐃᓐᓇᕆᐊᒃᑲᓐᓂᕐᓂᕐᒧᑦ ᐃᓂᖅᑎᕆᓂᕐᒧᑦ ᑲᔪᓯᓂᖃᖅᑎᓪᓗᒋᑦ. ᖁᕕᐊᒋᙱᓐᓂᕈᕕᒃᑭᑦ ᒪᓕᒐᓕᕆᓂᕐᒧᑦ ᑲᑐᔾᔨᖃᑎᒌᑦ ᐃᓱᒪᓕᐊᖓᓂᒃ ᐃᒡᕕᑦ ᐅᖃᐱᓘᑎᒋᔭᕐᓂᒃ, ᐊᔪᐃᓐᓇᕆᐊᒃᑲᓐᓂᕐᓂᖅ ᐅᕝᕙᓘᓐᓃᑦ ᐃᖅᑲᖅᑐᐃᔾᔪᑎᑎᒍᑦ ᕿᒥᕐᕈᑎᑦᑎᓂᖅ ᐊᑐᐃᓐᓇᐅᕗᑦ. ᑖᒃᑯᐊᒃ ᐅᖃᐅᓯᐅᔪᓐᓇᖅᐳᑦ ᒪᓕᒐᓕᕆᓂᕐᒧᑦ ᑲᑐᔾᔨᖃᑎᒌᖏᓐᓄᑦ ᐊᒻᒪ, ᐱᔪᒪᓐᓂᕈᕕᑦ, ᐊᑐᕐᓗᑎᑦ ᓇᖕᒥᓂᕐᒥᒃ ᒪᓕᒐᓕᕆᔨᒥᒃ ᐱᔪᒪᓇᔭᖅᑕᕐᓂᒃ.

ᑐᑭᓯᒋᐊᒃᑲᓐᓂᕆᐊᖃᖅᐱᑦ?

ᑕᐃᒃᑯᐊᓗᒃᑖᑦ ᐅᖃᐱᓘᑕᐅᔪᑦ ᕿᒥᕐᕈᔭᐅᕙᒃᐳᑦ ᒪᓕᒡᓗᒍ ᒪᓕᒐᓕᕆᔨᐅᓂᕐᒧᑦ ᐱᖁᔭᖓᓂᒃ ᐊᒻᒪ ᒪᓕᒐᖏᑦ ᒪᓕᒐᓕᕆᓂᕐᒧᑦ ᑲᑐᔾᔨᖃᑎᒌᖏᑦ ᓄᓇᕗᒥ. ᑕᒪᒃᑮᒃ ᐊᑐᐃᓐᓇᐅᕘᒃ ᖃᕆᑕᐅᔭᑎᒍᑦ:

ᒪᓕᒐᓕᕆᔨᐅᓂᕐᒧᑦ ᐱᖁᔭᖓᓂᒃ [ ᑐᕌᕐᕕᖓᑦ ᒪᓕᒐᓕᕆᔨᒃᑯᑦ ᑐᑭᓯᒋᐊᕐᕕᖓᓄᑦ]

ᒪᓕᒐᖏᑦ ᒪᓕᒐᓕᕆᓂᕐᒧᑦ ᑲᑐᔾᔨᖃᑎᒌᖏᑦ ᓄᓇᕗᒥ [ ᑐᕌᕐᕕᖓᑦ 2007-ᒥ ᓄᑖᙳᖅᑎᓯᒪᔪᖅ ᒪᓕᒐᖏᑦ]

ᑐᒃᓯᕋᖅᑐᖃᕐᓗᓂ, ᒪᓕᒐᓕᕆᓂᕐᒧᑦ ᑲᑐᔾᔨᖃᑎᒌᖏᑦ ᐊᑐᐃᓐᓇᐅᑎᑦᑎᓂᐊᖅᐳᑦ ᑐᑭᓯᒋᐊᕈᑎᒃᑲᓐᓂᕐᓂᒃ, ᓲᕐᓗ ᒪᓕᒐᖏᓐᓂᒃ ᐱᓕᕆᔨᒻᒪᕆᖕᓄᑦ ᒪᓕᒐᓕᕆᔨᐅᔪᓄᑦ, ᒪᓕᒐᓕᕆᔨᐅᑉ ᐊᑐᓚᐅᖅᓯᒪᓂᑯᖏᑦ ᐅᕝᕙᓘᓐᓃᑦ ᖃᓄᐃᓕᖓᓂᖏᑦ ᑕᐃᒃᑯᓄᖓ ᒪᓕᒐᓕᕆᓂᕐᒧᑦ ᑲᑐᔾᔨᖃᑎᒌᖏᓐᓄᑦ, ᖃᓄᐃᖅ ᐅᖃᐱᓗᒍᓐᓇᕐᒪᖔᑕ ᒪᓕᑦᑎᐊᕐᓂᖃᕐᓗᑎᒃ, ᐅᕝᕙᓘᓐᓃᑦ ᖃᓄᐃᓕᐅᕆᐊᖃᕐᓂᕐᒧᑦ ᑕᐃᒫᒃ ᐅᖃᐱᓘᑕᐅᔪᖅ ᕿᒥᕐᕈᔭᐅᓂᐊᖅᑎᓪᓗᒍ.

ᖃᐅᔨᒋᐊᕐᓗᒍ:

ᒪᓕᒐᓕᕆᓂᕐᒧᑦ ᑲᑐᔾᔨᖃᑎᒌᖏᑦ ᓄᓇᕗᒥ
ᑎᑎᖅᑲᓂᐊᕐᕕᒃ 149
ᐃᖃᓗᐃᑦ, ᓄᓇᕗᑦ X0A 0H0
ᐅᖃᓘᑦ: 867- 979-2330
ᓱᒃᑲᔪᖅ: 867- 979-2333
ᖃᕆᑕᐅᔭᑎᒍᑦ: administrator@lawsociety.nu.ca